Bakı Kitab Mərkəzində eşitmə və nitq məhdudiyyətli uşaqlar üçün “Oxu saatı” keçiriləcək. Bu haqda bu gün, 29 fevral tarixində Bakuplus.az mərkəzin mətbuat xidmətinə istinadən xəbər verir.
Tədbirdə Milli Məclisin deputatı Ceyhun Məmmədov iştirak edəcək. Surdotərcüməçi kimi Səssiz Ünsiyyət-Jest Dilinin İnkişafına Dəstək İctimai Birliyinin sədri, jest dili təlimçisi və tərcüməçisi Şamil Sabirzadə olacaq.
“Oxu saatı” F. Köçərli adına Respublika Uşaq Kitabxanası və Səssiz Ünsiyyət-Jest Dilinin İnkişafına Dəstək İctimai Birliyinin birgə təşkilatçılığı ilə martın 1-də saat 16.00-da baş tutacaq. Giriş sərbəstdir.
