Fevralı 17-18-də Bakıda “Kənddən Şəhərə” həftəsonu yarmarkası baş tutacaq. Bu haqda bu gün, 15 fevral tarixində Bakuplus.az Kənd Təsərrüfatı Nazirliyinə istinadən xəbər verir.
Yarmarkada 20-dən artıq rayondan 40-dan çox fermerin iştirakı planlaşdırılır. Orada 90-a yaxın çeşiddə kənd təsərrüfatı və qida məhsullarının satışı həyata keçiriləcək.
Məhsulların keyfiyyətinə Azərbaycan Qida Təhlükəsizliyi Agentliyi (AQTA) nəzarət edəcək.
Bu tədbirin keçirilməsində əsas məqsəd yerli fermerlər üçün alternativ satış kanalı yaratmaq, həmçinin şəhər sakinlərini təbii və sağlam kənd məhsulları ilə dolğun şəkildə təmin etməkdir.
Ünvan: Nərimanov rayonu, Fətəli xan Xoyski küçəsi, 5 (“Gənclik” metro stansiyasının yanı).
