Bakıda məktəbi bitirə bilməyənlər imtahan verəcəklər. Bu haqda bu gün, 18 dekabr tarixində Bakuplus.az Report-a istinadən xəbər verir.
Əvvəlki illərdə ümumi təhsil məktəblərini ümumi orta (IX) və tam orta (XI) təhsil səviyyəsi üzrə başa vura bilməyən şəxslər üçün eksternat qaydasında imtahan keçiriləcək. Bununla bağlı 1290 nəfər qeydiyyatdan keçib.
İmtahanlar 25-26 dekabr tarixlərində Bakıdakı 258 nömrəli tam orta məktəbdə təşkil olunacaq.
Eksternat imtahanlarında uğur qazanmış şəxslər ümumi orta və tam orta təhsil haqqında sənəd (attestat) almaq üçün Dövlət İmtahan Mərkəzi tərəfindən keçirilən buraxılış imtahanlarında iştirak etmək hüququna sahib olacaqlar.
