Bakıda məktəbli qızdan nömrə istəyən şəxsin məhkəməsi yekunlaşıb. Bu haqda bu gün, 10 yanvar tarixində Bakuplus.az Baku.ws-ə istinadən xəbər verir.
Bildirilir ki, 43 yaşlı Ayxan Cəbiyev Bakıxanov qəsəbəsi, Ərəblinski küçəsində yerləşən evlərinə gedən məktəbli qızı təqib edib və maşına minməyi təklif edib. Bu səbəbdən qızın atası A.Cəbiyevi məhkəməyə şikayət edib.
Təqsirləndirilən şəxs isə bu iddiaları təkzib edib. O, məktəbli qızı keçmiş əməkdaşının övladı ilə səhv saldığını deyib. Bu səbəbdən də məktəbliyə yaxınlaşaraq ondan anasının nömrəsini istəyib.
Məhkəmənin hökmü ilə Ayxan Cəbiyev 100 AZN miqdarında cərimə olunub.
