Bakıda məktəblilərin qeyri-etik görüntüləri ilə bağlı cinayət işi açılıb.
"Əməldə xuliqanlıq cinayətinin tərkib əlamətləri olduğuna görə fakt üzrə cinayət işi başlanıb. İstintaq hərəkətləri davam etdirilir", – deyə Daxili İşlər Nazirliyinin (DİN) mətbuat xidmətinin rəisi Elşad Hacıyev bildirib.
10:10 - Bakıda məktəbli qızlar söhbətə çağırılan qızı alçaldıblar
Xəzər rayonunda məktəbli qızlar digər şagirdi ələ salıblar. Bu haqda bu gün 20 fevral tarixində Bakuplus.az Oxu.az-a istinadən məlumat verir.
Şüvəlanda yerləşən 156 nömrəli orta məktəbin XI sinif şagirdləri 2023-cü il yanvarın 17-də məktəbdən kənarda IX sinifdən məzun olmuş qıza qarşı alçaldıcı hərəkətlər ediblər. Qızın alnına təhqiramiz söz yazılıb və saçı kəsilib.
DİN-in mətbuat xidmətinin rəisi Elşad Hacıyev məsələnin nəzarətə götürüldüyünü bildirib: "Yayılan videogörüntülərdən məlumatlıyıq. Nəzarətə götürülüb. Hazırda araşdırma gedir, iş üzrə ekspertiza təyin olunub. Araşdırmaların nəticəsindən asılı olaraq, müvafiq tədbirlərin görülməsi təmin olunacaq”.
Bu video məktəblilərin özləri tərəfindən sosial mediada yayılıb.
