Bakıda azyaşlı qızlara qarşı qeyri-etik hərəkətlər edən şəxs tutulub. Bu haqda bu gün, 21 yanvar tarixində Bakuplus.az Daxili İşlər Nazirliyinə istinadən xəbər verir.
42 yaşlı Elşən Mirzəcanov saxlanılaraq cinayət məsuliyyətinə cəlb olunub.
DİN-in mətbuat xidmətinin şöbə rəisi Elşad Hacıyevin sözlərinə görə, o, əvvəllər də məhkum olunduğundan təcrübəli olub və izini itirməyə çalışıb.
“Polis əməkdaşları onun tutulması üçün 159 vətəndaşdan məlumat topladı, 57 şəhər kamera görüntülərini araşdırdı. O, xarici görkəmini, hətta yerişini də dəyişmişdi. Bütün tədbirlərinə baxmayaraq, saxlanıldı”, - deyə qurumdan əlavə edilib.
Hazırda onun barəsində araşdırmalar davam edir.
