Bakının 25 saylı orta məktəbində müəllimlə valideyn arasında münaqişə olub. Buna səbəb müəllimin uşaqları ev tapşırıqlarını yerinə yetirmədikləri üçün cəzalandırması olub. Bu haqda bu gün, 13 dekabr tarixində Bakuplus.az məlumat verir.
Pərvanə Rasim, qızlardan birinin anası, öz Facebook səhifəsində paylaşım edib. Onun sözlərinə görə, dörd uşaq 45 dəqiqə istiliksiz, bağlı otaqda ayaq üstə qalıb. Həmin vaxt başqa uşaqlar bu dörd nəfərin iştirakına icazə verilmədiyi dərsə qulaq asırdılar.
Valideyn qeyd edir ki, müəllim Səidə xanım uşaqları qaranlıq otağa salmaqla da hədələyib və sanitar qovşağına getməyi qadağan edib.
“Buna görə məktəb rəhbərliyinə dəfələrlə şikayət edilib. Şəxsən özüm buna görə müəllimə və məktəbin psixoloqu ilə dəfələrlə danışmışam. Lakin məktəbin direktoru Fəridə Şərifova həm istiliklə bağlı müraciətlərə, həm də Səidə Hüseynovanın uşaqlara qarşı kobud və qəddar davranışlarına əhəmiyyət verməyib”, - deyə qızın anası kömək istəyib.
Elm və Təhsil Nazirliyinin mətbuat xidmətinin rəhbəri Cəsarət Valehov isə valideynin paylaşdığı posta şərh bildirərək qeyd edib ki, məsələ nazirlik tərəfindən araşdırılacaq.
[caption id="attachment_82946" align="alignnone" width="640"]
Foto açıq mənbədən[/caption]
