Paytaxtda bir neçə ərazidə piyada səkiləri ləğv olunaraq yerində obyekt tikilib. Bəzi sahibkarların səkiləri zəbt etməsindən sonra piyadalar əlacsızlıqdan avtomobil yoluna çıxır ki, bu da qəza şəraitinə səbəb olur. Bu haqda bu gün, 1 dekabr tarixində Bakuplus.az ATV Xəbər-ə istinadən məlumat verir.
Ziya Bünyadov prospektində həmin problem yaşanır. Obyektin sahibi isə səkini piyadalar üçün nəzərdə tutulmuş ərazi yox, obyektin fərdi sahəsi kimi qeyd edib. Eyni mənzərə Aşıq Molla Cümə, Əhməd Rəcəbli kimi küçələrdə də yaşanır.
Dövlət Yol Polisi (DYP) İdarəsinin baş inspektoru Araz Əsgərli isə deyir ki, bu cür hallar məsuliyyət yaradır: “Avtomobilini park edən sürücü unutmamalıdır ki, o da avtomobildən endikdən sonra piyadadır və nəzərə almalıdır ki, onun bu hərəkətləri həmin piyadaları yolun hərəkət istiqamətində hərəkət etməyə məcbur edir. Qeyd olunan ərazi mütəmadi olaraq əməkdaşlarımız tərəfindən diqqətdə saxlanacaq”.
Bakı Nəqliyyat Agentliyindən (BNA) bildirildi ki, həmin ərazilərə baxış keçiriləcək. Qayda pozuntusu qeydə alınan ünvanlara qoruyucu tumbalar yerləşdiriləcək.
[caption id="attachment_81349" align="alignnone" width="896"] Foto ATV-nin rəsmi Youtube kanalı[/caption]
