“Salaam Cinema Baku”da “Post-həqiqət” sənədli tamaşasının oxunuşu keçiriləcək. Bu haqda bu gün, 25 yanvar tarixində Bakuplus.az təşkilata istinadən xəbər verir.
Kurator, rəssam və dramaturq Polina Borodina və aktyor Nikolay Mulakov tərəfindən hazırlanan tamaşada ətraf mühitin və qlobal hadisələrin insanın şəxsi həyatına təsiri, özəl və ictimai sahədə həqiqət axtarışı barədə danışılır.
Burada insanın öz seçimi yaxınları ilə üst-üstə düşməyən və ya ümumi qəbul edilmiş mövqeyə zidd olan seçimlər haqqında hekayələr, müxtəlif inancları olan insanların bir-biri ilə necə birgə yaşadığı və insan və onun çətin vəziyyətlərdən çıxış yolları haqda danışılır.
Dramatik mətn Bakı sakinləri ilə müsahibələr əsasında hazırlanıb. Hekayələr 2 dildə - Azərbaycan və rus dillərində dinləniləcək.
Tədbir 26 yanvar saat 19:00-da baş tutacaq. Giriş ödənişsizdir, lakin öncədən qeydiyyat mütləqdir. Ünvan: Böyük Qala küçəsi, 28, Maqsud İbrahimbəyov adına Yaradıcılıq Mərkəzi.
