Paytaxt ərazisində piyada keçidlərində yenilənmə işləri həyata keçirilib.
Bakuplus.az Azərbaycan Yerüstü Nəqliyyat Agentliyinə (AYNA) istinadən xəbər verir ki, paytaxt yollarında piyada təhlükəsizliyi səviyyəsinin artırılması məqsədi ilə işlər davam etdirilir. Xüsusilə, məktəblilərin təhlükəsizliyinin təmin edilməsi məqsədilə orta təhsil müəssisələrinin ətrafında müxtəlif tədbirlər görülməkdədir.
Görülən işlər çərçivəsində paytaxtdakı 101, 121 və 136 nömrəli orta məktəblərin ətraflarındakı mövcud piyada keçidlərində yenilənmə işləri aparılıb.