13:36 -Yenilənib
Şəhərsalma və Arxitektura Komitəsindən verilən məlumata görə, həmin məkanda səkinin parkinqə çevrilməsinin qarşısı alınıb.
12:46 - Bakıda piyada səkisi parkinqə çevrilir
Bakının Nəsimi rayonu, Mehdi Mehdizadə küçəsində piyada səkisi dağılıb. Bu haqda bu gün, 23 fevral tarixində Bakuplus.az İnsan yönümlü şəhərlər Facebook səhifəsinə istinadən məlumat verir.
Verilən məlumata görə, 2020-ci ildə Bakı Nəqliyyat Agentliyi (BNA) tərəfindən genişləndirmiş səkidə parkinq düzəldirilir.
Daha öncə oxşar hadisə Bülbül prospektində, Nizami kinoteatrının qarşısında baş verib. Piyadalar üçün nəzərdə tutulmuş geniş səki dağıdılıb, oradakı ağaclar kəsilib və həmin hissədə dayanacaq yerləri təşkil olunub.
Nəticədə İlham Əliyevin tapşırığına əsasən, Nəsimi rayonu, Bülbül prospekti 18-30 ünvanında ağacların qanunsuz kəsimi və qeyri-qanuni parklanma yerinin yaradılması ilə bağlı müvafiq araşdırmalara başlanılıb, Nəsimi Rayon Bələdiyyəsinin rəhbərliyi vəzifəli şəxs qismində 5000 manat məbləğində cərimələnib.
[caption id="attachment_91714" align="alignnone" width="896"] Foto İnsan Yönümlü Şəhərləra[/caption]
