Ölkədə ət bahalaşıb. Bu haqda bu gün, 8 yanvar tarixində Bakuplus.az Xəzər Xəbər-ə istinadən məlumat verir.
Bildirilir ki, paytaxtda quzu ətinin qiyməti 20 AZN-ə qədər qalxıb. Daha öncə quzu əti 16-17 AZN-ə satılırdı. Satıcıların sözlərinə görə, qiymət artımı yemin bahalaşması və daşınma xərclərinin artması ilə əlaqədardır.
Buna baxmayaraq, Bakının bir sıra ət kəsimi məntəqələrində aşağı qiymətə ət hələ də satılır.
“Quzuya görə qiymətlər dəyişir. Biz çalışırıq, müştərinin cibinə uyğun ət kəsək”, – deyə satıcılardan biri qeyd edib.
