Bakının Yasamal rayonu ərazisində evlərin sökülməsi planlaşdırılır, ərazidə park salınacaq.
Xezerxeber.az-ın məlumatına görə, 199 nömrəli məktəbin yanından Baş Prokurorluğun binasının arxasına qədər olan evlərin siyahıya alınması başlanıb. Sakinlər Nizami və Lev Tolstoy küçələrindəki fərdi evlərin söküləcəyini desələr də, bütün köhnə tikililərin də baxışdan keçirildiyini bildirirlər.
Yasamal Rayon İcra Hakimiyyətinin Ərazi idarəetmə şöbəsinin müdiri Cəmil Qarayev "Xəzər Xəbər"ə təsdiqləyib ki, söküntü prosesi olacaq. Fərdi yaşayış evləri ilə yanaşı, köhnə tikililər də söküləcək və yerində park inşa ediləcək. Hazırda Nizami və Lev Tolstoy küçələrində yaşayış fondunun inventarizasiyası aparılır. Siyahıya alınma tamamlandıqdan sonra köhnə tikililərin memarlıq abidəsi olub-olmaması yoxlanılacaq. Evlərin hissə-hissə sökülməsinə gələn ildən başlanacaq. Park salınacağı üçün yeni yaşayış binaları inşa olunmayacaq.
Kompensasiyanın məbləği isə Maliyyə Nazirliyi tərəfindən müəyyənləşdiriləcək.
