Bakının “Azadlıq” metrosunun yaxınlığında piyada səkisi 70.000 manata satılır. Bu haqda bu gün, 29 dekabr tarixində Bakuplus.az İTV-yə istinadən məlumat verir.
Hər tərəfi bazara oxşayan yaşıllıq zolağı satıcın sözlərinə görə, həm də iki mərtəbəli obyektin tikintisi üçün uyğundur. Ərazidə hər hansı tikinti aparılacaqsa, böyük ehtimalla ağaclar da kəsiləcək. Satıcı isə qeyd edir ki, həmin torpaq sahəsi müvafiq sənədlərlə bələdiyyə tərəfindən ona satılıb.
Məsələni aydınlaşdırmaq üçün Binəqədi rayon bələdiyyəsinə sorğu göndərilib. Lakin bələdiyyənin arxivində elə sənəd tapılmayıb. Bələdiyyə sədri Mürsəl Eminov bildirib ki, Dövlət arxivində bu torpaq sahəsinə aid heç bir sənəd aşkar olunmayıb və çox güman ki, satıcı öz müştərilərini aldadır. Satıcı həmin sənədlərin öz nüsxəsini təqdim etsə, o, həmin torpaq sahəsini sata bilər.
