Paytaxtın bəzi küçələrində piyada səkiləri ya müxtəlif obyektlər tərəfindən zəbt edilib, ya da ümumiyyətlə standartlara cavab vermir. Yasamal, Nəsimi və Xətai rayonlarında bu cür halları müşahidə etmək olar. Bu haqda bu gün, 2 fevral tarixində Bakuplus.az Xəzər Xəbər-ə istinadən məlumat verir.
Belə ki, bəzi ərazilərdə səki olsa da, ondan istifadə mümkünsüzdür - səkilər həm ensizdir, həm də arabalı şəxslər üçün əlverişsizdir. Bundan başqa, pərakəndə şəkildə park edilən avtomobillər, işıq dirəkləri, dəmir çəpərlər də piyadalar üçün əlavə çətinlik yaradır.
Nəqliyyat məsələləri üzrə ekspert Ərşad Hüseynov bildirir ki, səkilər yol hərəkətinin təhlükəsizliyində əhəmiyyətli yer tutur. Bu səbəbdən piyada yolunun inşasına xüsusi diqqət ayrılmalıdır. Standartlara görə səkinin eni 1,5 metrdən az olmamalıdır.
Ərşad Hüseynov qeyd edir ki, hazırda istər Bakı və ətraf ərazilərdə, istərsə də digər rayon və şəhərlərdə bu normalar bir sıra hallarda pozulur.
Ekspert onu da əlavə edib ki, parklanma yerlərinin azlığı da sürücülərin səkiləri zəbt etməsinə səbəb olur. Ona görə də problemin həlli üçün müvafiq qurumlar tərəfindən müştərək tədbirlər görülməlidir.
[caption id="attachment_89264" align="alignnone" width="640"]
Foto Xəzər Xəbər rəsmi Youtube kanalı[/caption]
