Bakıda "Women in STEM" festivalı təşkil olunacaq. Bu haqda bu gün, 17 yanvar tarixində Bakuplus.az xəbər verir.
Tədbir “QadinFest” platforması tərəfindən "Women in Tech" beynəlxalq təşkilatının dəstəyi ilə keçirilir. Burada müxtəlif master-klaslar, STEM mütəxəssislərin çıxışı və əmək yarmarkası baş tutacaq.
Festivalda Gənc mütəxəssislər, şagird və tələbə qızlar, qız övladlarının valideynləri iştirak edə bilərlər.
STEM Science (Təbiət elmləri), Technology (Texnologiya), Engineering (Mühəndislik) və Mathematics (Riyaziyyat) sözlərinin ilk hərflərindən götürülmüşdür. Qurumun məqsədi uşaqların adıçəkilən sahələrdə öz bilik və bacarıqlarını inkişaf etdirməsidir.
Tədbir 28-29 yanvar saat 12:00-18:00 arası keçiriləcək. Ünvan: Bakı Limanı, Neftçilər pr., 59, “Marriott” hoteli ilə üzbəüz (keçmiş Dəniz Vağzalı). Giriş sərbəstdir, ancaq master-klaslarda iştirak etmək istəyənlər öncədən qeydiyyatdan keçməlidirlər.
