14 oktyabr tarixində Bakıda “Üstdəki dərinliklər” tamaşasının premyerası baş tutacaq. Tamaşa Müstəqil Şah Mat Teatrının təşkilatçılığı ilə Salaam Cinema-nın səhnəsində saat 19:00-da təqdim olunacaq.
Tamaşa rumın dramaturqu Matey Visnekin "Qoca klon tələb olunur" əsərinin motivləri əsasında qurulub.
Rejissoru Mir Qabil Əkbərov olan tamaşa Azərbaycan dilində göstəriləcək. Rolları Anar Bulud, Fərid Vəliyev, Fərid Bağırov, Səid Abbasov, Orxan Abışov ifa edir. Absurd üslubunda qurulan bu tamaşada hadisələr 3 fərqli obrazın ətrafında baş verir.
Tamaşaya 16 yaşından yuxarı şəxslər buraxılacaq. Biletləri onlayn və ya tamaşa günü Salaam Cinemadan əldə etmək mümkündür.
