Bakıda fəaliyyət göstərən teatrlar tamaşaçıların qarşısına yeni tamaşaları ilə çıxacaq. Bu barədə 8 oktyabr tarixində Milli.Az saytı xəbər verib.
Akademik Milli Dram Teatrı mövsümü oktyabrın 15-i "Qarabağnamə" tamaşası ilə açacaq.
Opera və Balet Teatrı oktyabrın 9-da ilk tamaşasını rus bəstəkarı A.Borodinin "Qıbçaq rəqsləri" baletini nümayiş edəcək. Həmçinin, yeni quruluşda hazırlanmış Fikrət Əmirovun "Nizami" baletinin premyerası noyabrın 20-də baş tutacaq.
Dövlət Akademik Musiqili Teatrı 30 oktyabr saat 19:00-da Üzeyir Həcibəyovın "O olmasın, bu olsun" tamaşası ilə mövsümə start verəcək. Oktyabrın 31 isə Xalq artisti Ramiz Məmmədovun 70 illiyinə həsr olunmuş "Qızıl Toy" tamaşası səhnədə qoyulacaq.
Qeyd edək ki, Azərbaycanda teatrların fəaliyyəti koronavirus pandemiyası ilə əlaqədar olaraq 2020-ci il 7 mart tarixindən dayandırılmışdı. Yeni qərara əsasən, 2021-ci il oktyabrın 1-dən teatrların ümumi tutumu 50% çox olmaması şərti ilə 18 yaşdan yuxarı olan şəxslər həmin məkanlara yalnız COVID-19 pasportu və ya COVID-19 infeksiyası əleyhinə peyvəndə əks-göstəriş sertifikatı ilə daxil olmalıdırlar.
