Azərbaycan Uşaqlar Birliyinin sədri Kəmalə Ağazadə “Sevgi” uşaq sığınacağında saxlanılan uşağın vəziyyətinin ağır olması ilə bağlı sosial şəbəkədə məlumat yayıb. Bu haqda bu gün, 19 dekabr tarixində Bakuplus.az məlumat verir.
Kəmalə Ağazadə qeyd edib ki, bu uşaq evinin bağlanması ilə bağlı qərar verilib, araşdırma hələ də davam edir.
Onun sözlərinə görə, uşağın döyüldüyü barədə dəfələrlə məlumat verilib.
Daxili İşlər Nazirliyinin mətbuat xidmətinin rəhbəri Nurlan Əliyev APA-ya bildirib ki, məsələ ilə bağlı polis və prokurorluq orqanları araşdırma aparıb: “İstintaq nəticəsində toplanmış materiallar baxılması üçün məhkəməyə göndərilib”.
“Totu" ləqəbli uşaq ölür! 2 il ərzində görün uşaq nə hala qalıb? Uşağın videosunu paylaşıb kartının nömrəsini qoyan qadın bu aylar ərzində bu uşaq üçün nə edib, deyib soruşdunuz? Ümumiyyətlə qəyyumluğu verilməmiş bir uşaq bu adamın yanında nə gəzir? Dəfələrlə mənə yazıblar ki, uşaq döyülür! Amma mən faktlara əsaslana bilərəm! Hal-hazırda fakt uşağın bu vəziyyətdə olan görüntüsüdür!”, - daha öncə rəsmi qurumlardan dəstək barədə xahiş edərək Kəmalə Ağazadə öz Facebook səhifəsində yazıb.
