Bu il Bakıda kirayə mənzillər bahalaşıb. Bu haqda bu gün, 12 fevral tarixində Bakuplus.az Xəzər Xəbər-ə istinadən xəbər verir.
Qiymət artımı, əsasən, özünü mərkəzi hissələrdə, xüsusilə Nəsimi və Səbail rayonlarının dəniz kənarına yaxın ərazilərində müşahidə edilir.
Əmlak eksperti Nofəl Quliyev bildirib ki, bahalaşmanın bir neçə səbəbi var. Bunlar köhnə tikililərin sökülməsi, tələbə amili və ən əsası da ölkəyə gələn turistlərdir.
Ekspertin sözlərinə görə, ümumilikdə kirayələrdə 5% bahalaşma müşahidə edilir. Artıq mərkəzə yaxın hissələrdə 400 manatdan ucuz birotaqlı ev tapmaq müşkülə çevrilib.
Üçotaqlı mənzillərin kirayə qiymətləri isə köhnə tikililərdə 600, yeni tikililərdə 800, 1000 manatdan başlayır.
