Ötən gün Heydər Əliyev adına Sarayın səhnəsində 44 günlük Vətən müharibəsinin iştirakçıları, qazilər eləcə də Vətən uğrunda döyüşlərdə canını fəda edən şəhidlərin ailələri üçün hazırlanmış “Bakıdan Qarabağa” adlı konsert baş tutub. Bu haqda Report xəbər verib.
Musiqili proqram Mədəniyyət Nazirliyinin və Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin dəstəyi ilə keçirilib.
Sarayın mətbuat xidmətindən verilən məlumata əsasən, Heydər Əliyev Sarayı ilk tədbirini məhz şəhid və qazi ailələrinə həsr edib.
Tədbir çərçivəsində Azərbaycan Müdafiə Nazirliyi Şəxsi Həyət Baş İdarəsi Hərbi Orkestri, Xalq artistləri Flora Kərimova, Samir Cəfərov, Nürəddin Mehdixanlı, Əməkdar artistlər Ramil Qasımov, Teymur Əmrah, Fərqanə Qasımova, İnarə Babayeva və Zamiq Hüseynov, Nərmin Kərimbəyova, Samirə, Abgül Mirzəliyev, Nadir Qafarzadə, Kənan Qədimov, Aynur İskəndərli iştirak ediblər.
