Bakıda vətəndaşın mağazadan aldığı yumurtaların hamısı xarab çıxıb. Bu haqda 1 dekabr tarixində Bakuplus.az ATV-yə istinadən xəbər verir.
Paytaxt sakinlərindən biri bildirib ki, marketdən artıq ikinci dəfədir ki, yumurta alır və hər dəfə də təzə bilib aldığı yumurtalar lax çıxır.
Şikayətçinin aldığı yumurta qutusunun üzərində Bilgəh qəsəbəsi, Dalan 1 ünvanı qeyd olunub. Həmin ünvana yollanan ATV-nin müxbiri tamamilə gözləmədiyi mənzərə ilə qarşılaşıb. Sözügedən ünvan sadəcə yaşayış sahəsidir, hər hansı bir yumurta sexi deyil.
Qutunun üzərində qeyd olunan mobil nömrə ilə də əlaqə saxlanılıb, həmin sexin rəhbəri olduğunu bildirən xanım bu hadisəni kiminsə qəsdən etdiyini deyib.
Azad İstehlakçılar Birliyinin sədri Eyyub Hüseynov bildirib ki, kənd yumurtası adı altında satılan məhsullarla bağlı hər həftə Azad İstehlakçılar Birliyinə şikayət daxil olur:
“İstehsalçılar istifadəçiləri aldatmaq üçün köhnə yumurtanı və yaxud uyğun olmayan, pis şəraitdə, isti temperaturda saxlanmış yumurtaları qablaşdırırlar, bəzəkli qablara qoyurlar. Yumurtaların üzərinə, yəni qablaşdırmaya bükülmüş yumurtaların üzərinə buraxılma tarixi, son istifadə tarixi yazılır, istehlakçı da elə düşünür ki, bu təzə yumurtadır”.
[caption id="attachment_81365" align="alignnone" width="640"]
Foto ATV-nin rəsmi Youtube kanalı[/caption]
