Xalq artisti Vaqif Mustafayev Azərbaycan Dillər Universitetində tələbələrə ustad dərsi keçib. Bu haqda AZƏRTAC 13 oktyabr tarixində xəbər verib. Master-klass Azərbaycan Dillər Universitetində Magistratura şöbəsinin təşkilatçılığı ilə baş tutub.
Tədbirdə tələbə və müəllim heyəti iştirak edib. Qonaq, tələbələrə mədəni dünyada baş verən proseslərin əhəmiyyətindən söz açıb.
Vaqif Mustafayev mədəniyyət və ədəbiyyatın istənilən ixtisas sahibinin bilməli olduğu məsələlər içərisində önəmli yer tutması barədə danışıb.
Sonda tədbir iştirakçılarına təşəkkürünü bildirən rejissor indiyədək çəkdiyi filmlərin kadrarxası məqamlarından, qarşılaşdığı maraqlı hadisələrdən söhbət açıb.
