Noyabrın 30-da saat 19:00-da XX-XXI əsrlər Azərbaycan Rəngkarlığı Muzeyində Xalq rəssamı Fərhad Xəlilovun "Yerlə göy arasında" fərdi sərgisinın açılışı baş tutacaq. Bu haqda bu gün, 25 noyabr tarixində Bakuplus.az məlumat verir.
Sərgi dekabrın 17-nə kimi davam edəcək. Təşkil olunacaq təqdimatda rəssamın həyatının son illəri ərzində yaratdığı rəngkarlıq rəsmləri və bu günə qədər nümayiş olunmayan qrafika əsərləri bir araya gətirilir.
1960-70-ci illərin ümumittifaq sərgilərində fərqli dəst-xəti ilə özünə diqqət çəkən gənc Xəlilovun əsl "sənət məktəbi" o dövrün Moskva şəhərinin qeyri-rəsmi bədii həyatı olmuşdur. O, Azərbaycan incəsənətinin inkişafında göstərdiyi xidmətlərə görə "Şöhrət" və "Şərəf" ordenlərinə layiq görülüb, həmçinin 2021-ci ildə 1-ci dərəcəli "Əmək" ordeni ilə təltif edilib.
