Bakıda Xorvatiyanın İrandakı səfirinin kitabı təqdim olunub. Bu haqda bu gün, 25 yanvar tarixində Bakuplus.az Report-a istinadən xəbər verir.
Bakı Kitab Mərkəzində səfir və şair Draqo Ştambukun “Zefir” adlı kitabının təqdimatı baş tutub. Tədbirdə diplomatik korpusun nümayəndələri, Milli Məclisin deputatları, eləcə də KİV və ictimaiyyət nümayəndələri iştirak ediblər.
Xorvatiyanın Azərbaycandakı səfiri Branko Zebiç bu hadisənin müəyyən mənada Azərbaycan-Xorvatiya münasibətlərində tarixi mərhələ olduğunu qeyd edib. Onun sözlərinə görə, kitab öncə fars, daha sonra isə Azərbaycan dilinə tərcümə edilib.
Tədbir zamanı ingilis, Azərbaycan və xorvat dillərində kitabdan parçalar oxunub.
[URIS id=88148]
