Bakıda yaşayış binasının qarşısı zibil poliqonuna çevrilib. Bu haqda BakuPlus.az Xəzər Xəbər-ə istinadən bu gün, 2 iyul tarixində xəbər verir.
Supermarketdən çıxan tullantıların doqquzmərtəbəli yaşayış binasının qarşısına atılması nəticəsində xoşagəlməz mənzərə yaranıb.
Paytaxtın Xətai rayonu, Məhəmməd Hadi küçəsindəki binanın həyəti zibil poliqonunu xatırladır.
Supermarketə məhsul daşıyan yük avtomobilləri küçənin asfalt örtüyünü yararsız vəziyyətə salıb.
Sakinlər bildirir ki, bununla bağlı dəfələrlə rayon icra hakimiyyətinə müraciət edilsə də, nəticəsi olmayıb.
Market menecerinin sözlərinə əsasən, obyektdə təmir işlərinin aparılması səbəbindən tullantılar müvəqqəti olaraq binanın qarşısına yığılır, günün sonunda isə ərazi təmizlənir.
Sakinlərin iddialarını cavablandıran Xətai RİH-in şöbə müdiri Pənah İmanov bildirib ki, sözügedən binanın həyətində abadlaşdırma işləri aparılacaq və yararsız vəziyyətə düşmüş asfalt örtüyü yenilənəcək.
“Bütün işlər qrafik üzrə həyata keçirilir. Həmin ərazidə yaxın günlərdə abadlaşdırma işlərinə start veriləcək”,- deyə o əlavə edib.
[caption id="attachment_50792" align="alignnone" width="800"] Foto Xəzər Xəbərin rəsmi Youtube kanalı[/caption]
