Yeraltı keçidlərə qoyulan qadağalar ləğv olunub. Bu haqda bu gün, 2 fevral tarixində Bakuplus.az Baku TV-yə istinadən xəbər verir.
Paytaxtın mərkəzində bəzi velosiped və skuter sürücülərinin paytaxtdakı yeraltı piyada keçidlərindən keçməsi qadağan edilmişdi. Buna səbəb insanların keçiddən velosiped və ya skuter sürərək keçmələri və bu zaman videoçəkilişlər aparmaqları idi.
“Sürətlə birbaşa gəlib keçirlər. Düşüb piyada keçmək deyilən şey yoxdur. Çox təhlükəlidir”, – deyə sakinlərdən biri qeyd edib.
Ancaq bir sıra digər sakinlər bu qadağadan narazı oldular. Onlar, əsasən, şəkil çəkmək qadağasının məqsədini başa düşmədiklərini bildiriblər.
“Yeraltı keçid ümumi istifadədə olan bir infrastrukturdur. Skuter və velosipedçilər də hərəkət iştirakçılarıdır. Onlar yolu necə keçsinlər?!” – deyə nəqliyyat eksperti Rauf Ağamirzəyev bildirib.
Məsələ ilə bağlı Avtomobil Yolları Dövlət Agentliyindən (AYDA) bildirilib ki, cəmiyyətdə etiraz doğurduğu üçün müvafiq qadağanedici nişanlar götürülüb.
