Bakıda özünü DTX əməkdaşı kimi qələmə verən dələduz peyda olub. Bu haqda bu gün, 5 yanvar tarixində Bakuplus.az Avtomobil TV-yə istinadən xəbər verir.
Səliqəli geyimdə olan şəxs metronun “Nəriman Nərimanov” stansiyası yaxınlığında taksi sifariş edir və ya orada dayanan taksilərə minir. Bir qədər yol getdikdən sonra terminal vasitəsilə təcili ödəniş etməli olduğunu bildirir və taksi sürücülərindən müxtəlif məbləğlərdə pul istəyir. O, DTX əməkdaşı olduğunu və heç bir problem olmayacağını deyərək sürücüləri razı salır. Pulu isə təyinat nöqtəsinə çatandan sonra bankomatdan çıxarıb qaytaracağını bildirir. Daha sonra pulu mənimsəyərək aradan çıxır.
Dələduz, adətən, “Bolt” və “Uber” şirkətlərindən “Comfort” taksi sifariş edir. Onun nömrəsini “GetContact” tətbiqində yoxladıqda isə "Məşədi Ənvər” və “Ənvər İbrahimoğlu" kimi adlar göstərilir. Onun, əsasən, Ağdam və Bərdədə yerləşən ziyarətgahlara turlar təşkil etdiyi ehtimal olunur.
