Daxili İşlər Nazirliyi (DİN) 310 saylı uşaq bağçasında uşaqlara qarşı kobud davranışı əks etdirən videogörüntülərlə bağlı açıqlama verib.
DİN-in rəsmisi Elbrus İbrahimov bildirib ki, bağça rəhbərliyi və tərbiyəçi polis orqanına dəvət olunublar. Onların izahatı alınıb.
14:17 - Bakıdakı bağçada qalmaqal: uşağını təhqir edən tərbiyəçi işdən çıxarılıb
Bakının Sabunçu rayonunda yerləşən 310 saylı uşaq bağçasında tərbiyəçi tərəfindən uşağa qarşı şiddət göstərilməsi ilə bağlı araşdırma aparılıb. Bu haqda bu gün, 12 iyul tarixində Bakuplus.az Bakı Şəhəri üzrə Təhsil İdarəsinə istinadən məlumat verir.
Təlim-tərbiyə prosesinə uyğun olmayan davranış göstərən tərbiyəçi işdən çıxarılıb, əmək məcəlləsinin müvafiq maddəsinə əsasən, 310 nömrəli uşaq bağçası müdirinin səlahiyyətlərinə xitam verilib.
"Məktəbəqədər təhsil müəssisələrində müvafiq məsələlərin tənzimlənməsi zamanı uşaqların psixoloji zərər görməməsi əsas amil kimi diqqət mərkəzində saxlanılır, bu istiqamətdə zəruri maarifləndirmə işləri görülür", – deyə məlumatda qeyd edilib.
Daha öncə sözügedən bağçada uşaqlara qarşı fiziki zorakılıq törədildiyi ilə bağlı müvafiq videogörüntülər yayılıb.
[video width="1088" height="752" mp4="https://bakuplus.az/storage/photos/2024/07/video_2024-07-12_14-06-31.mp4"][/video]
