Həftəsonu yarmarkalarında qiymətlər münasibdirmi? Bu haqda bu gün, 19 fevral tarixində Bakuplus.az “Space”ə istinadən xəbər verir.
Bakı sakinləri qiymətdə sərf edir deyə adətən yarmarkalara üz tuturlar. Görəsən həqiqətən bazarda qiymətlər daha bahadır?
Yarmarka satıcıları deyirlər ki, qiymətlər burada nisbətən daha aşağıdır, hətta endirimlər də olur.
“Biz çalışırıq ki, bazar qiymətindən, mağaza qiymətindən ucuz verək ki, camaat da razı qalsın”, – deyə onlar qeyd ediblər.
”Aqrar Tədarük və Təchizat” ASC-nin nümayəndəsi Asiman Aslanova da vurğulayıb ki, yarmarkanın əsas üstünlüklərindən biri məhsulların birbaşa fermerlər tərəfindən satışa çıxarılmasıdır. Qiymətləri fermerlər özləri təyin edirlər.
Ancaq alıcıların hamısı bu fikirlə razı deyil. Onlar bazar qiymətləri ilə fərqi görmədiklərini bildirirlər.
Bazar satıcıları mövcud vəziyyətdən şikayətçidirlər. Onların sözlərinə görə, bazarda alıcı sayı kəskin şəkildə azalıb. Satıcılar, həmçinin bildirirlər ki, bəzi məhsulların qiymətlərinin baha olması onların daha keyfiyyətli olması deməkdir.
“Həftənin altı-bazar günləri bir az adam olur, amma adi günlər heç kim olmur”, – deyə bazar satıcısı vurğulayıb.
