Bakı məktəblərində işə qəbul olunanların sayı açıqlanıb. Bu haqda bu gün, 22 dekabr tarixində Bakuplus.az Report-a istinadən xəbər verir.
2023-2024 tədris ili üçün Bakı şəhərində 2258 nəfər işə qəbul olunub. Bunlardan 1188 nəfər müddətsiz müqavilə ilə işə qəbul üzrə elektron yerləşdirmə prosesi nəticəsində, 889 nəfər müddətli müqavilə ilə işə qəbul üzrə elektron yerləşdirmə prosesi nəticəsində, 181 nəfər isə müddətsiz müqavilə ilə işləyən müəllimlərin iş yerinin dəyişməsi prosesi nəticəsində işə qəbul olunublar.
Bundan əlavə, tutulmayan yerlər üzrə dərs saatlarının tədris edilməsi üçün digər məktəblərdən əvəzçilik qaydasında 485 ixtisaslı kadr dəvət edilib.
