Bakı Şəhəri üzrə Təhsil İdarəsinin (BŞTİ) tabeliyində olan məktəblərə işə qəbulla bağlı müsabiqə elan edilib. Bu haqda bu gün, 19 oktyabr tarixində Bakuplus.az idarəyə istinadən məlumat verir.
Müsabiqə tərbiyə işləri üzrə direktor müavini, uşaqlarla məktəbdənkənar və sinifdənxaric tərbiyə işinin təşkilatçısı, təsərrüfat işləri üzrə direktor müavini/təsərrüfat müdiri vəzifələrlə bağlı elan edilib.
Namizədlər bu gündən anket.edu.az portalında qeydiyyatdan keçə bilərlər. Qeydiyyat prosesi 28 oktyabr saat 23:59-da başa çatacaq.
Müsabiqənin birinci test mərhələsində 50 və daha yüksək bal toplayan namizədlər müsahibəyə dəvət olunacaqlar.
Bununla yanaşı, internat və internat tipli təhsil müəssisələrinin xüsusi təhsil siniflərinə müəllimlərin işə qəbulu üzrə vakansiya seçiminə başlanılıb. Vakansiya seçimində iştirak etmək istəyən şəxslər aşağıdakı linkə daxil olaraq müraciət edə bilərlər. Vakansiya seçimi 23 oktyabr saat 17:00-dək davam edəcək.
[caption id="attachment_117059" align="alignnone" width="640"]
Foto açıq mənbədən[/caption]
