Təhsil müəssisələri noyabrın 15-dən aprelin 15-dək istiliklə təmin olunacaqlar. Bu haqda Trend Bakı Şəhəri üzrə Təhsil İdarəsinə (BTŞİ) istinadən xəbər verib.
Hal-hazırda payız-qış mövsümünə hazırlıq ilə bağlı məktəblərdə müəyyən monitorinqlər keçirilir, qazanxanalar, istilik xətləri yoxlanılır, radiatorlararın işində yaranan nöqsanlar aradan qaldırılır. Sıradan çıxmış avadanlıq yenilənir.
BTŞİ-nin tabeliyində olan məktəblərdən 133-ü “Azəristilik” ASC tərəfindən mərkəzləşdirilmiş qaydada, 179-u fərdi qazanxana vasitəsilə, 7-si isə fərdi və mərkəzləşdirilmiş qaydada istiliklə təchiz edilir.
