Bakı Metropolitenində bayram tədbirlərinə start verilib. Bu haqda bu gün, 26 dekabr tarixində Bakuplus.az quruma istinadən xəbər verir.
Dünya Azərbaycanlılarının Həmrəyliyi Günü və Yeni il münasibətilə “İçərişəhər”, “28 May”, “Sahil”, “Elmlər Akademiyası”, “Avtovağzal” və “Memar Əcəmi” stansiyalarının vestibüllərində müxtəlif oyuncaqlarla bəzədilmiş küknar ağacları quraşdırılıb.
Həmçinin xətlərdə bəzədilmiş qatarları görmək mümkün olacaq.
Bundan əlavə, tədbirlərə “İçərişəhər” stansiyasında retro vaqonların nümayişi, Şaxta baba ilə Qar qızın şən şousu, Bəhram Bağırzadə ilə görüş, eləcə də 4 stansiyada konsert proqramları daxildir. “İçərişəhər” stansiyasında Yeni ilə həsr olunmuş sərgi də açılacaq.
