Bakının XX-XXI əsrlər Azərbaycan Rəngkarlığı Muzeyində yazıçı və dramaturq İsmayıl İmanın "Ay işığı zolağında" («В полосе лунного света») hekayəsinin qiraəti 24 yanvar saat 19:00-da baş tutacaq. Bu haqda bu gün, 14 yanvar tarixində Bakuplus.az məlumat verir.
"Ay işığı zolağında" hekayəsi Azərbaycan incəsənətinin ən görkəmli nümayəndələrindən biri, adı Abşeron rəssamlıq məktəbi ilə bağlı olan rəssam Cavad Mircavadovun (1923—1992) xatirəsinə həsr olunub. Real hadisələri fantaziya ilə birləşdirən bədii əsər Cavadın həyat yoldaşı Lyubov Mircavadovanın "Aytokua" (2005) kitabından rəssamın avtobioqrafik qeydləri əsasında hazırlanıb.
Tədbir rəssamın 100 illiyinə həsr olunub. Hekayəni İsmayıl İman və Atika Əliyeva rus dilində oxuyacaqlar. Giriş sərbəstdir, COVID pasportun təqdimi mütləqdir. Əlavə məlumat üçün: +99450 251 41 15.
