Paytaxtın Xəzər rayonu, Binə qəsəbəsində və Nizami rayonu, C.Naxçıvanski küçəsində qanunsuz tikililər sökülüb. Bu haqda bu gün, 10 mart tarixində Bakuplus.az Fövqəladə Hallar Nazirliyinə istinadən xəbər verir.
Belə ki, adıçəkilən ərazilərdə icazə sənədi olmadan və yanğın təhlükəsizliyinə riayət edilmədən tikinti işlərinin aparıldığı məlum olub. Aşkar olunan faktlar əsasında qanunsuz inşa olunan tikililər sökülüb.
Bundan əlavə, Nərimanov rayonu, Təbriz və T.Şıxəliyev küçələrinin kəsişməsində yerləşən çoxmərtəbəli binaların birində mərtəbələrin arasında örtüyün sökülməsi faktı aşkar edilib.
Qanunsuz söküntü işlərinin qarşısı alınıb və bina əvvəlki vəziyyətinə geri gətirilib.
[URIS id=93512]
