Paytaxtın Xətai rayonu, Əhmədli qəsəbəsi, Şahin Səmədov küçəsində yeni kanalizasiya xətləri çəkilir. Bu haqda bu gün, 29 noyabr tarixində Bakuplus.az Dövlət Su Ehtiyatları Agentliyinə (“Azərsu”) istinadən məlumat verir.
Küçədə olan xətlər uzun illər istismar olunduğundan yararsız vəziyyətə düşüb, ərazinin digər hissəsində isə əhali tərəfindən kustar üsulla yaradılan kanalizasiya xətləri şəbəkənin istismar tələblərinə cavab verməyib, bu səbəbdən kanalizasiya sistemində tez-tez problemlər yaranıb.
Hazırda Şahin Səmədov küçəsi boyunca 3 kilometr uzunluğunda kanalizasiya xətti çəkilir. Ərazidəki evlər və obyektlər yeni şəbəkəyə qoşulacaq. İşlər intensiv qaydada davam edir və dekabr ayında yekunlaşması nəzərdə tutulub.
[caption id="attachment_121550" align="alignnone" width="640"]
Foto Azersu[/caption]
