Bakıda dəmir yolu xətləri sökülür. Bu haqda bu gün, 4 mart tarixində Bakuplus.az Oxu.az-a istinadən xəbər verir.
Sosial şəbəkələrdə yayılan videogörüntülərdə dəmir yolu xətlərinin olduğu ərazidə xüsusi texnikanın işlədiyi, söküntü işlərinin aparıldığı görünür. İddia edilir ki, burada avtomobil yolu salınacaq.
Azərbaycan Avtomobil Yolları Dövlət Agentliyinindən məsələ ilə bağlı bildirilib ki, qurum tərəfindən sözügedən ərazidə heç bir iş görülmür.
Nəqliyyat eksperti Rauf Ağamirzəyev qeyd edib ki, söküntü aparılan ərazi Bakı şəhərinin 2040-cı ilədək inkişafına dair Baş Planında nəzərdə tutulan hibrid dəhlizlərdən biridir.
“Dəhliz imkan verəcək ki, vətəndaşlar “Gənclik”dən bulvara doğru rahat şəkildə gedə bilsinlər. Eyni zamanda ərazidə tramvay xəttinin olması da planlaşdırılır”, – deyə o əlavə edib.
[caption id="attachment_131682" align="alignnone" width="640"]
Foto açıq mənbədən[/caption]
