Bakının mərkəzi küçələrində velosiped yollarının salınması istiqamətində hazırlanmış layihənin icrasına başlanılıb. Bu haqda bu gün, 19 dekabr tarixində Bakuplus.az Azərbaycan Yerüstü Nəqliyyat Agentliyinə (AYNA) istinadən məlumat verir.
Layihə İstiqlaliyyət küçəsi, Azərbaycan prospekti, Mirzəağa Əliyev küçəsi, Bülbül prospekti, Fikrət Əmirov küçəsi və bulvar ərazisini əhatə edəcək. Mərhələli şəkildə velosiped zolaqları digər küçələrdə də təmin olunacaq.
Hazırda nişanlanma işlərinə başlanılıb. Növbəti mərhələdə yol nişanları, eyni zamanda avtomobillərlə yarana biləcək münaqişəli nöqtələrin aradan qaldırılması üçün təhlükəsizlik sədləri quraşdırılacaq.
AYNA hərəkət iştirakçılarına qaydalara riayət etməyə və sürücülərə velosiped yollarına daxil olmamağa çağırış edir.
[caption id="attachment_123823" align="alignnone" width="640"]
Foto Azərbaycan Yerüstü Nəqliyyat Agentliyi[/caption]
