Bakının Xəzər rayonu, Türkan qəsəbəsində döyülmə hadisəsi baş verib. Bu haqda bu gün, 30 may tarixində Bakuplus.az Bizim.Media-ya istinadən məlumat verir.
Sovxoz küçəsində yaşayan Ataxan İbrahimov ailə münaqişəsi zəminində atası, 1-ci qrup əlil Şəmsəddin İbrahimovu döyüb.
Həmin şəxsin kiçik oğlu Rüstəm İbrahimov ağır yaralanan ailə başçısını lentə alıb. Təqdim olunan görüntülərdə o, atasının döyülməsinə etiraz edir, qardaşının ünvanına nalayiq sözlər deyir.
Oxu.az-dan əldə olunan məlumata görə, Ataxan İbrahimov polisə dəvət olunub. DİN-in mətbuat xidmətinin əməkdaşı Nurlan Əliyev bildirib ki, yayılan görüntülərin dörd ay öncə çəkildiyi məlum olub. Ailə üzvlərindən izahatlar alınıb. Şəmsəddin İbrahimov izahatında oğlu tərəfindən döyülmədiyini, ərazidə yerləşən istixanada çalışarkən yıxılaraq xəsarət aldığını qeyd edib.
Qəsəbə sakinlərinin sözlərinə görə, İbrahimovlar ailəsi bu hala qədər də problemli ailə kimi tanınıb.
[video width="1280" height="720" mp4="https://bakuplus.az/storage/photos/2023/05/18320.mp4"][/video]
