Dekabrın 20-də Bakı-Quba yolunun təmirdən çıxmış birinci hissəsi istifadəyə veriləcək. Bu haqda bu gün, 9 dekabr tarixində Bizim.Media məlumat verib.
Hazırda işlər sürətlə davam edir: ərazidə 6 briqada gündə 24 saat, növbəlilik şəklində işləyir.
Yolun 90 km-lik hissəsi tam asfaltlanıb, təxminən 10 km hissəsində asfaltlama işləri davam etdirilir. Yola asfalt 4 qat və 29 sm olmaqla döşənir və vurulan asfalt xüsusi texnologiyalar vasitəsilə kipləşdirilir. Yolda yol nişanlarının qoyulması, yol ayırıcılarının hazırlanması üzrə işlər də paralel olaraq davam etdirilir.
