Bakıda yerləşdirilən elektron lövhələrin funksiyaları nədir? Bu haqda bu gün, 9 noyabr tarixində Bakuplus.az Xəzər Xəbər-ə istinadən məlumat verir.
Belə ki, sözügedən lövhələr tıxacları göstərmək məqsədilə quraşdırılıb. Ancaq indi onların əksəriyyəti işləmir. Digərlərində isə xüsusi günlər yazılır.
“Əvvəllər göstərirdi, yaxşı idi. Amma son zamanlar işləmir. Radio sağ olsun, məlumat verir”, – deyə sürücülər qeyd ediblər.
Ekspertin sözlərinə görə, elektron lövhələr 10-12 il əvvəl quraşdırılıb, ancaq layihə uğursuz olub.
“Sistem 3 yerə bölünür. Onların arasında əlaqə düzgün qurulmadı. Bu səbəbdən də sistem pozuldu”, – deyə nəqliyyat üzrə ekspert Ərşad Hüseynov vurğulayıb.
O bildirdi ki, hazırda həmin lövhələrin bərpası baha başa gələcək. Həm də artıq bu tip sistemə ehtiyac qalmayıb.
Nəqliyyatı İntellektual İdarəetmə Mərkəzi isə məsələ ilə bağlı qeyd edib ki, həmin avadanlıqların yenilənməsi üçün hazırda işlər aparılır.
