Baktelecom simsiz telefon rabitəsi xidmətinin fəaliyyətini dayandıracaq. Bu haqda 19 oktyabr tarixində APA xəbər verib.
Baktelecom-un CDMA simsiz telefon rabitəsi texnologiyasının köhnəlməsi və xidmətə tələbatın azalması səbəbindən, 15 noyabr tarixindən bu xidmət dayandırılacaq, əvəzinə isə müasir və dayanıqlı texnologiyalara keçid olacaq.
CDMA abunəçiləri xidmət mərkəzlərinə gələrək baktelecom.az saytı və ya elektron hökumət portalı üzərindən onlayn şəkildə müraciət edərək sabit telefon və ya LTE simsiz rabitə şəbəkələrinə qoşula bilərlər.
