Səbail rayonu, Bayıl qəsəbəsi, Arif İsmayılov 88 ünvanında qəzalı vəziyyətdə olan bina həm sakinlər, həm də ətrafda olanlar üçün təhlükə yaradır. Bu haqda ATV reportaj hazırlayıb.
İki il əvvəl sakinlər, ev yararsız olduğuna görə binadan köçürülüb. Bununla yanaşı, sakinlərdən bəziləri hələ də burada qalıb və köçürülmələrini gözləyirlər. Sakinlərin sözlərinə görə, dəfələrlə aidiyyəti qurumlara müraciət etsələr də, nəticəsi olmayıb.
Sakinlərin iddialarına görə, son günlər əsən külək zamanı divardan daşlar qoparaq düşüb.
Səbail rayon İcra Hakimiyyətinin nümayəndəsi Anar Hüseynov məsələ ilə bağlı açıqlama verib: “Sakinlərin müraciətlərinə əsasən rayon İcra Hakimiyyətinin başçısı aidiyyəti qurumların mütəxəssislərinin iştirakı ilə sözügedən binaya yerində baxış keçirilib. Müvafiq rəyin verilməsi ilə bağlı əlaqədar qurumlara rəsmi müraciətlər göndərilib”.
Həmçinin Anar Hüseynov qeyd edib ki, yekun rəydən sonra Nazirlər Kabineti Rayon İcra Hakimiyyətini büdcə ilə təmin edəcək və məsələ öz həllini tapacaq.
[caption id="attachment_44172" align="alignnone" width="800"]
Foto Atv-nin rəsmi Youtube kanalı[/caption]
