Paytaxtın Səbail rayonunda bir müddət öncə aparılan asfaltlanma işləri zamanı Çernyaxovski küçəsi unudulub. Bu haqda bu gün, 3 iyul tarixində Bakuplus.az ATV-yə istinadən məlumat verir.
Küçə keçilməz olub, həm piyadalar, həm sürücülər əziyyət çəkirlər. Sakinlər deyirlər ki, hərəkət etmək, demək olar ki, mümkün deyil. Əraziyə xüsusi təyinatlı avmobillər, eləcə də təcili tibbi yardım və yaxud taksilər gələ bilmir. Minik avtomobilləri isə tez-tez yollara görə xarab olur.
Problemlə bağlı Səbail rayon bələdiyyəsindən bildirildi ki, bu il ərzində Çernyaxovski küçəsində asfaltlanma işlərinin başlanılması planlaşdırılır. Bununla bağlı aidiyyəti qurumlara məlumat verilib.