Bakı bazarlarında nehrə və kərə yağlarının qiymətləri endirilib. Bu haqda bu gün, 10 yanvar tarixində Bakuplus.az Xəzər Xəbər-ə istinadən məlumat verir.
Belə ki, “Yaşıl bazar”da yağların hər kiloqramı 2 manat ucuzlaşıb.
Ekspertlər hesab edirlər ki, yağların ucuzlaşmasının səbəbi alıcı kütləsinin azlığıdır. Lakin digər səbəblər qeyd olunur.
Azərbaycanda yağ qiymətlərinin formalaşmasında idxal mühüm rol oynayır. Eyni zamanda həm yerli istehsalçılar, həm nehrə yağını istehsal edən ev təsərrüfatları öz məhsullarına qiymət qoyarkən idxal məhsullarının qiymətlərini əsas götürür. Tələb azlığı, eyni zamanda qiymət yüksəkliyi dönəmində istehsalçıların daha çox məhsul istehsal etməsi ilə əlaqələndirilib. Ötən il ölkəmizə idxal edilən kərə yağının dəyəri Azərbaycanın ümumi idxalının 0,53 faizini təşkil edir.
Ucuzlaşma ancaq bazarlarda müşahidə edilir. İri marketlərdə kərə yağı əvvəlki qiymətə satılır.
