Səbail rayonunda hotel binası sökülür. Bu haqda bu gün, 15 may tarixində Bakuplus.az Oxu.az-a istinadən xəbər verir.
Bibiheybət məscidinin yanında inşa olunan və beşmərtəbəli hotel olacağı planlaşdırılan bina sökülür. Buna səbəb sənədlərdə problemlərin olmasıdır. Bildirilir ki, bina 3 ildir inşa olunurdu. İndi isə 3 gün ərzində, demək olar, tam sökülüb.
Bakı Şəhər İcra Hakimiyyətindən məsələ ilə bağlı bildirilib ki, sözügedən binanın söküntüsü onun sürüşmə zonasında olduğu üçün sökülür. Sürüşmə riskini artırdığından onun ən qısa zamanda sökülməsi təmin edilir.
Dövlət Şəhərsalma və Arxitektura Komitəsindən isə qeyd edilib ki, sözügedən ünvanda özbaşına işlər aparılıb. Binanın heç bir icazəverici sənədi olmadığından tikinti işləri dayandırılıb.
