Bilgəh qəsəbəsində 1500 abonent qazsız qalıb. Bu haqda bu gün, 10 fevral tarixində Report məlumat verir.
Albalılıq yaşayış massivində baş verən yol-nəqliyyat hadisəsi nəticəsində 219 mm diametrli orta təzyiqli qaz xətti qırılıb. Bu səbəbdən 1500 nəfərin qaz təminatı dayandırılıb. Hazırda “Azəriqaz”ın qəza-bərpa xidmətinin əməkdaşları hadisə yerindədirlər və fəsadları aradan qaldırırlar.
Bundan əlavə, havanın kəskin soyuması nəticəsində 10 ünvanda ağac və daş hasarların aşması nəticəsində qaz sayğaclarına və xətlərinə ziyan dəyib.
