Paytaxtın Xəzər rayonu, Binə Atçılıq kimi tanınan yaşayış massivinin ikinci sahəsində fərdi evləri həşəratlar basıb. Bu haqda bu gün, 26 iyun tarixində Bakuplus.az Xəzər Xəbər-ə istinadən məlumat verir.
Bu həşəratların yaxınlıqda olan həyətdən çıxdığı ehtimal edilir. Deyilir ki, bu həyətdə əvvəllər itlər saxlanılıb, ölü heyvanlar basdırılıb. Hazırda orada nə adam, nə itlər yaşayır, qapı bir müddətdir ki, bağlıdır.
Ondan çox ailənin problemindən aidəyyəti qurumlar xəbərdar olsalar da, çərə tapılmır.
Bakı Şəhər Dezinfeksiya stansiyasının Suraxanı rayonundakı bölməsindən bildirildi ki, orada fərdi evlər olduğu üçün onlar ödənişsiz dərmanlanma həyata keçirə bilmirlər. Həmin evlərin sakinləri müraciət göndərib müqavilə bağladıqdan və ödəniş etdikdən sonra əraziyə əməkdaşlar göndəriləcəklər.
