Xəzər rayonunun Binə qəsəbəsində yaşayan sakinlər məişət tullantıları atmaq üçün hər gün həyatlarını təhlükəyə atırlar. Bu haqda bu gün, 4 oktyabr tarixində Bakuplus.az ARB Xəbər-ə istinadən məlumat verir.
Əli İsazadə küçəsində olan zibil qabları yolun tam ortasına qoyulub. Bununla belə, magistral yolun iki istiqaməti arasında qoyulan zibil qablarını qəsəbəboyu bir çox yerdə görmək mümkündür. Ərazidə yaşayan sakinlər deyirlər ki, uzun müddətdir bu problemlə üz-üzədirlər və hər gün təhlükə ilə qarşılaşırlar.
Xəzər RİH-dən də bildirildi ki, zibil qablarının yolun ortasında olması müəmmalı məsələdir. Qurum nümayəndələri sözügedən qabları hər gün səhər yolun kənarına qoysalar da, axşam yenidən yolun ortasında görürülər. Bir sözlə zibil qablarının yerinin kim və ya kimlər tərəfindən dəyişdirilməsi hələ ki məlum deyil.
